Agar aap UPSSSC ke aane wale exams (PET, Lekhpal) ka form bharne ja rahe hain, toh cyber cafe jane se pehle is UPSSSC OTR Checklist ko zaroor dekh lein taaki form me koi document chhut na jaye.
UPSSSC OTR Registration (Quick Details):
- Kyun Zaroori Hai: UPSSSC ke sabhi aane wale exams (PET, Lekhpal, VDO, etc.) ka form bharne ke liye.
- Official Portal: upsssc.gov.in (OTR Section)
- Validity: OTR ek baar hota hai (One Time), uske baad future exams ke liye bas form update/verify karna hota hai.
- Checklist PDF: 👇 Cyber cafe jane se pehle niche diye gaye Telegram link se ‘Checklist PDF’ download karein.
UPSSSC OTR Registration Kya Hai Aur Kyun Zaroori Hai?
Pehle UPSSSC ke har naye exam (jaise PET ya Lekhpal) ke liye shuru se form bharna padta tha. Lekin ab aesa nahi hai! Ab Commission ne OTR (One Time Registration) laagu kar diya hai.
Ek baar apna OTR complete kar lijiye, aapki saari details portal par hamesha ke liye save ho jayengi. Dhyan rahe, bina OTR Number (Registration Number) ke aap UP PET 2026 ya UPSSSC ka koi bhi naya form nahi bhar payenge.
UPSSSC OTR Checklist: Zaroori Documents (Kya-Kya Chahiye?)
Cyber cafe jane se pehle ya khud form bharne se pehle, ye sabhi documents apne paas zaroor rakh lein:
- 10th (High School) Marksheet:
Ye sabse zaroori document hai. Aapka Naam, DOB (Date of Birth), aur Pita/Mata ka naam exactly 10th ki marksheet ke hisaab se hi bhara jayega. Isme koi badlaav na karein.
- Aadhaar Card: Aapki ID proof aur verification ke liye.
- Arakshan (Reservation) Documents:
Agar aap OBC, SC, ST ya EWS category mein aate hain, toh apna naya Jati Praman Patra (Caste Certificate) aur Nivas Praman Patra (Domicile) taiyar rakhein.
- Photo aur Signature:
Passport size photo aur signature scan karke rakhne hote hain. (Dhyan dein: UPSSSC mein aam taur par Signature Hindi aur English dono mein ek sath likh kar upload karne hote hain).
- Active Mobile Number & Email ID: OTP aur aage ki sabhi jankari (Admit card, result) isi par aayegi, isliye number wahi dein jo hamesha chalu rahe.
UPSSSC OTR Checklist PDF Download (Telegram Link) ⭐
Cyber cafe mein jaldbaazi mein koi jankari galat na ho jaye, isliye aap is Checklist ki PDF download karke apne phone mein rakh lein ya print nikal lein. Isse aap tick mark karke saare documents sath le ja sakenge:
OTR Registration Karte Waqt Ye 2 Galtiyan Na Karein
OTR aapki profile ka ‘Base’ hai, isliye isme ye galtiyan bilkul na karein:
- Spelling Mistake:
OTR mein ek baar aapka naam ya DOB galat ho gaya, toh baad mein correction karwane mein bahut dikkat aati hai. Form lock (Final Submit) karne se pehle apni 10th ki marksheet se 3 baar spelling match zaroor karein.
- Dusre Ka Mobile Number:
Kabhi bhi cyber cafe wale bhaiya ka mobile number ya Email ID form mein na dalwayein. Apna khud ka ya ghar ke kisi sadasya ka number hi dalein.
UPSSSC Exam Ke Liye Zaroori Formats (Important Links)
OTR registration poora hone ke baad UPSSSC PET aur anya documents ki taiyari aap niche diye gaye links se kar sakte hain.
Sath hi, aapki behtar taiyari ke liye humara ek advanced UPSSSC PET syllabus tracker bhi jald hi aane wala hai, jisse aap apna revision aur syllabus ek jagah manage kar payenge. Tab tak in zaroori documents ko taiyar rakhein: